ഹിജ്റ
പ്രബോധന വീഥിയില് ത്യാഗത്തിനും ചിലപ്പോള് പരിത്യാഗത്തിനും
തയാറാകേണ്ടിവരും. വികാരത്തെക്കാള് വിവേകത്തിനു പ്രാധാന്യം കല്പ്പിക്കുകയും
ബുദ്ധി ഉപയോഗിക്കുകയും ചെയ്യുന്നവര്ക്ക് മാത്രമേ ഈ രംഗത്ത് വിജയിക്കാന്
കഴിയുകയുള്ളൂ. അതിസാഹസികതയും ആപല്കരമായ പ്രതികരണങ്ങളും വിപരീത
ഫലങ്ങളാണുണ്ടാക്കുക. അതുകൊണ്ടു തന്നെ ശത്രുക്കള് സംഘടിതമായ ആക്രമണത്തിനു
മുതിരുമെന്ന ഘട്ടം വന്നപ്പോള് വിശ്വാസികളോട് നാട് വിട്ട് പോകാനും എത്യോപ്യയിലെ
നീതിമാനായ നജ്ജാശി രാജാവിന്റെ കീഴില് അഭയം തേടാനും തിരുനബി ആവശ്യപ്പെട്ടു. രണ്ടു
സംഘങ്ങളായി വിശ്വാസികള് എത്യോപ്യയില് സുരക്ഷിത സ്ഥാനം തേടി എത്തി. പ്രബോധനം
സിദ്ധിച്ചവരുടെ പുനരധിവാസവും സംരക്ഷണവും ഏറെറടുത്തുകൊണ്ടുള്ള തിരുനബിയുടെ ഈ നടപടി
വിശ്വാസികളില് പ്രതീക്ഷയും ആത്മവിശ്വാസവും പകര്ന്നു.
മദീനയില്
ഏറെക്കുറെ അനുകൂല സാഹചര്യങ്ങളൊരുങ്ങിയപ്പോള് മക്കയിലെ സ്വഹാബികളോട് അങ്ങോട്ട്
നീങ്ങാനാവശ്യപ്പെടുകയും എത്യോപ്യയിലെ അഭയാര്ഥികളെ മദീനയിലേക്കു മാററുകയും ചെയ്തു.
അവസാനം തിരുനബിയും മദീനയിലേക്ക് പലായനം ചെയ്തു. ഹിജ്റഃ എന്ന പേരില് അറിയപ്പെടുന്ന
ഈ ചരിത്ര സംഭവം പ്രബോധന രംഗത്ത് ഏററവും പ്രായോഗികവും ഫലവത്തുമായ നടപടിയാണ്.
ഇസ്ലാമിക പ്രചാരണരംഗത്ത് നിര്ണ്ണായകമായ അദ്ധ്യായമായിരുന്നു ഹിജ്റ.
Posted by Unknown
on 04:37. Filed under
മുഹമ്മദ് നബി(സ്വ)
.
You can follow any responses to this entry through the RSS 2.0.
Feel free to leave a response